බාලාංශේ 2

“හරී... අහගන්නකෝ... මනුස්සයෙක්ට හීන තියනවා පොඩි කාලේ ඉඳලා, මේ දියුණුවෙමින් පවතින ලංකාවේ අයට ඒ හීන තමයි දොස්තර කෙනෙක් වීම හෝ ඉන්ජිනේරුවෙක් වීම, මට ඔය දෙකම තිබ්බේ නෑ, මට තිබ්බේ ආසාව නළුවෙක් වෙන්න, එහෙම නළු පෙනුමක් නැතිවුණත් යම් විකටානුරූපී පෙනුමක් තිබ්බා මට ඒ කාලේ ඉඳන්ම, ඒ නිසා මම ආසා කලේ විකට රංගන ශිල්පියෙක් වෙන්න.”

“හැබැයි දොස්තර, ඉංජිනේරු, නළු ඔය තුනටම හීන තිබ්බාම කියමුකෝ, ඒත් මගේ තුන් හිතකවත් පොතක් එළිදක්වන්න හීනයක් හිතක් තිබ්බේ නෑ, කොහොම හරි මම අවුරුදු ගානක් තිස්සේ ලියපුවා එකතු කරලා කරලා සහ ලක්ශාන් බල කරලා බාලාංශේ 1 පොත එළි දැක්වූවා, ඔයා කියන්නේ ඒ පොතට හම්බුණා මාර විදිහට ප්‍රතිචාර... මේ මොහොතේත් ඔයා ඒ පොත කියවලා නැත්නම් ඒක අරන් කියවන්න.”